كيكة معلكة بالشكلاط

 المقادير

4بيضات 125زبدة دائبة 45 غ مسحوق الكاكاو 70 غ دقيق ابيض 500 ملل حليب ملعقة كبيرة ماء 150غ سكر خشن سنيدة وقبصة ملح

ول حاجة تنفصلوا ابيض البيض على الاصفر

تنخدموا بالطراب الكهربائي البيض والسكر وملعقة ماء حت نحصلوا على خليط ابيض وكي الكريما

نضيفوا الزبدة دايبة وتكون باردة

الدقيق والكاكاو المر

تم الحليب

نخدموا ابيض البيض مزياان حت يولي عاقد مع قبصة الملح

تم بملعقة خشبية نخلط من الاسفل للاعلى ابيض البيض مع خليط الكيك

نصبوا الخليط فقالب مدهون بالزبدة ومرشوش بالدقيق وندخلوها للفرن ساخن من قبل نعملوها فدرجة حرارة 150 لمدة 50 دقيقة بالضبط

ملي خرجتها خليتها تبرد مزيان مدة 15 دقيقة عاد زولتها من القالب ومن بعد دخلتها مدة ساعة للفريزر و رشيتها بالكاكاو المر وزينتها بحبوب الشكلاط وبالشكلاط الابيض مكعبات