رئيس جماعة ايموزار كندر داير وليمة انتخابية ومامسوقش واش كاين شي قرار ديال منع التنقل الليلي

“حرية بريس

الفقيه اللي نتسناو براكتو دخل الجامع بلغتو” هذا المثل ينطبق على رئيس جماعة ايموزار كندر واقيلا ماوصلوش البلاغ ديال الحكومة ممنوع التنقل الليلي من الساعة الثامنة ليلا الى الساعة السادسة صباحا مشغول بزاف بمشاكل الساكنة ماعندوش الوقت باش يحك راسو السيد الرئيس بقاو فيه الناس ايموزار الدراوش وبغا يلقالهم الحل لي هذي 2 ولايات هو كيترأس الجماعة أي أكثر من 10 سنين ردها كلها اسمنت مسلح ودائما فاش كيسولوه على المشاريع دايمن الجواب ديالو on va faire المهم الرئيس ديال ايموزار كندر مابقاش يقدو النهار وهو يدورها تجمعات بالليل في دارو بعين السلطان مع أصحابو المستشارين وشي وحدين على الزرود والتمخميخ باش يوجدو راسهم للانتخابات الجماعية جاية لأنه في الحقيقة هاد الرئيس مازال عندو مايعطي للساكنة على الاقل خلا هاد الجماعة واحد ماكيشوف واحد واسميتوا معروفة غيدير سميتو في الانترنت يطلعلك الرئيس لي بغا يختطف فاعل جمعوي وبغا…رمضان هذا بلا مانكملو الجملة.

احزاب الاستقلال و الأصالة والمعاصرة والاتحاد الاشتراكي للقوات الشعبية والعدالة والتنمية بايموزار كندر خرجوا بلاغ كيندوا بهاد التجمعات الليلية لي هي حملة انتخابية قبل الأوان وفي وقت كورونا وطالبت بأن القفة الرمضانية ماتدخلوش في السياسة وان السلطات المحلية خاص يكونوا حيادهم إيجابي مع الجميع.

هاد الرئيس ديال الجماعة ظالمينو بزاف راه ماعندوش لخبار راه ديال منع التنقل الليلي وراه إلى قصر ودار تجمعات باش يشوف واش في الولاية جاية ديالوا واش جبل لي داير ايموزار واش يمكن ولي حتا هو صالح للبناء .