القفة الرمضانية تخرج فقراء دوار كرابة للاحتجاج امام جماعة عين بيضا وقائد المنطقة كان في المستوى وحل المشكل داغيا وبالعقل

حرية بريس

هاد جماعة عين بيضا بنواحي فاس خاصها تدخل التاريخ من بابه الواسع ولكن ماشي على الانجازات لي دارو ولكن كل مرة ها ساكنة هاهي نايضة كتدير احتجاجات على البنية التحتية مرة على الماء مرة على الطريق والضو لي تصوبو في عهد الإستقلالي زاهر ومن بعد كاين الله والباقي الله لكن هاد العشية كانت وقفة حدا الجماعة من طرف ساكنة دوار كرابة لأن القفة الرمضانية ماستفدوش اغلبهم منها لأنه حسب هضرة ديال الساكنة المستشار ديال هاد الدوار لي صوت عليه باش ينجح دارلهم دبشخي واعطها شي بعضين واعطاها الناس ديال التعاونية لي هما في الاصل اغلبهم الله يزيدهم في الوقت ان هاد الأسماء لي تحرمت من القفة راه عايشة في الفقر المدقع يعني راهم الله غالب ولكن باش الساكنة تنوض وتوقف باش تبين اش وقع ليهم من الديبشخي لي حرمهم من القفة الرمضانية رغم ان هاد المعاونة هي من شركة ديال الماء ماشي من الجماعة ولكن كل عضو تكلف بدوار لي نجح فيه.

ولأن الحكرة والفقر فاش كيتجمعوا راه كاين مشكل وهو ماخلا الساكنة تحتج في الشارع الرئيسي لكن التدخل الرجولي ديال القائد المنطقة لي شكراتوا الساكنة على التواصل ديالو وماشي غي هاد المرة دائما كيلقاوه غي هو في الوقت لي كان خاص رئيس الجماعة ينوض ويستقبل الساكنة لكن الناس ديال دوار كرابة كانت كترجى الخير في الله والقايد كان سبب انه باش يحل هاد المشكل ويخلي الناس ترجع للمنازل ديالها بعدما وعدهوم بأن لي عندو شي حق غادي يأخدو .