الطوبيسات ديال فاس دقة تابعة دقة… من اشهر غادي نلقاو الحل الى سنين ومازال مازال

حرية بريس

هل اصبح حل مشكل الطوبيسات في مدينة فاس حلم بعيد المنال بعد انتظار دام لسنين بين المجلس السابق والحالي بفعل وعود تبخرت كمسافر بلا عنوان.

في الوقت التي يعاني المواطن الفاسي من مشكل النقل الحضري على مستوى المدينة منذ سنوات خلت وبات رؤية “الطوبيس داير اوبان في الشوارع ومعاه الديبناج” تؤثت المشهد ويعتبره البعض انه اصبح يدخل في تراث المدينة لأن فاس ويقال الكل في فاس ” ماخصهاش تبقى معروفة بجامعة القرويين والمدينة القديمة ….” دبا الحمد لله اي واحد مواطن تلقيته في المغرب مابقاش يهضر عليك على تاريخ العاصمة العلمية ومآثر التاريخية ديالها كيقول ليك كيدايريين انتما معك هاداك الطوبيسات . ورغم الاحتجاجات المتتالية للناس ديال فاس والوعود لي تعطات انها مسألة ايام هذه الأخيرة اصبحت شهورا ثم سنين ودائما كاين سيناريو غي النهاية ديال هاد السيناريو ماكاين والو غي الشفاوي.

فاس من المدن لي غادي تحتضن كأس إفريقيا سنة 2025 ان شاء الله حنا عارفين ان فاس بقات فيها غير الاسم وترجعات اللور لا في الاقتصاد ولا التنمية …حتى ان شارع محمد الخامس باش يصوبوه هادي سنين هما خدامين فيه ومازال ماتسلا التساؤل لي كيطرح نفسو اش من وجه عندنا لي غادي نستقبلوا الجماهير الأفريقية والعالمية في هذه التظاهرة العالمية والطوببسات غي هاد الحالة لاتسر لا حبيب ولاعدو واش غادي نقلوا هاد الضيوف في هذا المرفق الشبه عمومي وغادي نقولو ليهم راه الأمور غادي تحل في الايام والشهور والسنين القادمة ولا شتو شي طوبيس داير اوبان ديروا يد الله مع الجماعة ودفعو لأن في الحركة بركة .

واحد الوقت كانت فاس فيها احسن شركة ديال الطوبيسات في المغرب ومن الطوبيسات لي كانت معروف الطوبيس الطويل لي كانوا مسميينو تجوج ماگلهالي هادشي في واحد الزمن ماشي بعيد والناس مازال كتدكر هاد المرحلة بالخير لي هاد الوقت ملي ولات الخوصصة ودخلت الشركة الجديدة والناس بنات احلام عليها وبعد مادازت سبعايم ديال الباكور وحيدوا خطوط كثيرة كانت معروفة وكتقرب المسافة للمواطنين في العاصمة العلمية وبان ان ساكنة فاس غادي تعيش الجحيم لسنين ومازال رغم الوعود لي تعطات انه مازال فقط واحد المشكل صغير هو الملاير من هادي جهة ومن هاد جهة غادي يتجمعوا ويتحل المشكل ومابين الملاير لي مازال ماجمعات ضاعت كرامة المواطن لي ماعندو مايدير شكون السبب وعلاش فاس هي هاكا وعلاش الساكنة ماشي من حقها يكون عندها نقل حضري يليق بتاريخ المدينة وكرامة المواطن اما غير ذلك فكلام الليل يمحوه الصباح وسياسة بريكولات ماعمرها كانت واكلا ومعمرنا نمشيوا بعيد..

لك الله يا فاسu