عندما يتحدث السياسي في زمن الانتخابات..السلوكية في جماعة عين الشقف بإقليم مولاي يعقوب
حرية بريس
الواحد في بعض الأحيان خاصو يضرب الطم وهو يتحدث عن الشأن المحلي لأنك إلا حللت الواقع ماغاديش تفهم والو وخا جيب عقل جابوني ولنأخد نموذج جماعة عين الشقف كتلقى السيد ترشح واول ماكينجح كيولي عينيه على مصلحة التصميم وهو في مواقع التواصل الاجتماعي قتلنا بالرياضة ودورها في المجتمع وكيبقى يورينا ممارسته لرياضة الكونغ والكيك بوكسينغ وهادشي يعني أن السيد المرشح عندو رغبة إلا ولا مرشح غادي يمشي مصلحة الثقافة والرياضة باش يرفع من هذا القطاع الذي يعاني من الخصاص ولكن هاد شي كلو كيضرب في الزيرو والسيد المرشح خاصو مصلحة التصميم باش يسني وكنقولو واقيلا هاذ المرشح عندو مؤهلات في الهندسة أو خريجي شي مدرسة المهندسين فاش كنجيوا نبحثوا عن الشواهد كنلقاو الله حمدتك لأن السيد المرشح المحتمل عارف الرياضة ماكاينش منها ولكن مصلحة التصميم ….ومن ثم السلوكية كتبدا على المواطن وكأنه جاي من كوكب زحل ومادمنا كنتحدثو على السلوكية ناض واحد المرشح هو يقولك راه عندو استقالات بالمئات من حزب العدالة والتنمية تعدت الألف وشي حاجة ولواه شور علينا من السلوكية راه حزب البيجيدي كلوا يبقى يجمعوا لي صوتوا عليه ولي داز حدا المقر ديالهم ولي سلم على الأعضاء ديالهم ولي شربوا معهم شي قهوة ماغديش يوصلو الألف وخاصة انهم كيعيشوا انشقاقات داخلية خطيرة وحالة احتضار ولي بغا يدير شي سلوكية يضرب ليها الحساب راه المواطن كيفهم وعايق وفايق.
يتبع