هل يواجه حسن بلمقدم في الانتخابات البرلمانية المقبلة مواطني مولاي يعقوب بشعار…لاتعولو عليا
حرية بريس خاص
انا كنت كنتمنى كل برلماني عن إقليم مولاي يعقوب يقدم الحصيلة ديالو واش دار وجاب الإقليم بالدوران بين الوزرات وتقطاع الصباط ويحمر الوجه الناس لي صوتو عليه ولكن تحمرو الوجه مزيان بالخذلان هو هذاك المواطن لي كيتصل بالبرلماني علا شي مشكل ويبقى التليفون كسيرسر دابا يجاوبك الريح وعنداك تمشي تعيطلو في الصباح راك غي كتضيع الوقت لأن الليل كلو هو فايق كيفكر في مشاكل الساكنة وكي يدير حلها وبالمناسبة هذاك البرلماني ديال العدالة والتنمية لي جاي من فاس باش يترشح في إقليم مولاي يعقوب كيعتبر أن انجازاته هي الأسئلة لي كيدير مشينا بعيد .
المستشار البرلماني حسن بلمقدم لي غادي يدافع على المشاكل الكبرى ديال الساكنة من الأفضل يعطي الحصيلة ديالو في هاد السنين لي دوز ويورينا حداكتو في القبة الثانية واش دار للساكنة وخاصة أنه باغي يتقدم باسم البام في الغرفة الأولى وهاد المرة خاصو يعطي برنامج تعاقدي مع المواطن مثلا غادي يكون تعاقد اجتماعي بمقاربة تشاركية وذلك بتحسين حكامة الموارد البشرية ومراجعة الترسانة القانونية….وهادشي السيد المستشار البرلماني الحالي والبرلماني المقبل خاصو شوية ديال لفهامة وشوية ديال الشواهد وانت عندك غي شهادة لا إله إلا الله محمد رسول الله.
وبما أن جميع البرلمانيين ديال إقليم مولاي يعقوب مادارو والو وان السيد المستشار البرلماني السيد الفاضل حسن بلمقدم باغي يولي برلماني من الأفضل أنه يصارح المواطنين من الاول ويدير الحملة بشعار حزموني وطلعوني البرلمان ولاتعولو عليا .