قصيدة عن النبي محمد صلى الله عليه و سلم

من ديوان ” حضان لقوافي ” – الديوان 6 في الزجل/ الفئة : مغربي –

سمّعني صَلاةْ عْليهْ

صَلِّ عَلْ الهَادِي      سِيدي محمدِ

طَهَ عَدْنَانْ عَربي       سيدِي النَّبي

سِيدْ سِيدْ سْيَادِي    مُولَايْ أَحْمدِ

سَمَّعْني صَلاَةْ عْلِيهْ

زِيدْ مْنْ عَنْدي هَذِ    صَلِّ عْلَ حْبيبْ لحْبَابْ

وْ سَلَّمْ بْلَحْني الشَّاذي      عْلَى خِيرْ لْصْحَابْ

وْ لْعَاشْقْ سِيدي النَّبي    سَمَّعْني صَلاةْ عْليهْ

صَلِّ علْ الهَادي      سْيدي محمدِ

خِيرْ مْنْ صَلَّى وْ قَامْ    فْضَلْ مْنْ زَكَّى وْ صَامْ

وْ عَلَّقْ حُبّْ محمدِ           فْصَدْرْكْ وْشَامْ

وْ لّي يْحبْ سِيدي النَّبي    يْصَلّي عْلَ طُولْ لْيَّامْ

صَلِّ عَلْ الهَادِي      سِيدِي محمّدِ

زِينُو زِينْ لْبْدَرْ            وْ أَحْلَى مْنْ كلْ بْشَرْ

شُوفْتُو تْمَتَّع نْظَرْ              خُلْقُو شَرْفُو قْدَرْ

بيهْ عِيسَى بَشَّرْ               ليهْ مُوسَى ذْكَـرْ

شُوفْ كْتَابْ الإنْجيلْ       وْ التَوْرَاةْ كْتَبْ خْلِيلْ

جَا لْقُرْآنْ وْحْكَمْ التَّنْزِيلْ       سِيدِي النَّبِي مَاليهْ مْثِيلْ

أبُو القَاسْمْ عْنْدْ الله خْليلْ      سْرَاهْ وْ دَاهْ بْسِيدْنَا جْبْرِيلْ

صَلِّ عَلْ الهَادي           سِيدي محمّدِ

الشْفِيعْ الهَادِي             سِيدِي أحمدِ

طَهَ عَدْنَانْ عَرَبي            سِيدِي النَّبي

سْمَّعْني صَلاَةْ عْلِيهْ

الدعوة موجهة لكل من يرى في نفسه الأهلية للألحان لأن المقاطع مقفاة و أتمنى أن تصل الجماهير العربية كاملة و تقبلوا تحياتي و لنساهم جميعا في حب نبينا محمد صلى الله عليه و سلم :

[email protected]   

عادل بناصر