إنجازات وحصيلة رئيس جماعة ايموزار كندر بعد أكثر من 10 سنين من التسيير

حرية بريس

الناس ديال ايموزار كندر كانوا كينتظروا أن الرئيس الذي عمر لأكثر من 10 سنين في التسيير يعطيهوم الحصيلة اش دار في هذه المدة الطويلة ولكن الرئيس بوطاهر خاصوا يفتخر بزاف ديال الإنجازات الواقعية على الأرض ماشي كلام بحال شي رؤساء لي فيهوم غي الهضرة الرئيس بوطاهر تفتقت العبقرية ديالوا هو يدير مهرجان التفاح وكيتختار ملكة جمال التفاح وشكون لي كيختارها لجنة كلهم ماعندقوهم تعلاقة وماعرفين والو وفي الأخير كتسمع هاديك الجمعية لي كيمولها الرئيس من مال الشعب كتكولك فلانة هي ملكة الجمال كي درتولها وانتم لجنة تضم فلاحين خبراء في الدلاح الشهدية خيزو برقوق ولكن لاعلاقة لهم بالجمال ولكن رئيس الجماعة لديه حكمة لا يعرفها إلا الراسخون في حكايات الف ليلة وليلة. ..ولأن حكايات الرئيس بوطاهر لا تنتهي من حيث الإنجازات فجماعة ايموزار كندر هي الجماعة الوحيدة في العالم لي نتا غادي في طريق هو يخرجلك بوطو ديال الضو وشحال من مرة تسبب في حوادث السير ولكن الرئيس يعتبر هادشي تراث ديال المنطقة حيث أي سائح جا ايموزار كندر خاصو يأخد شي تذكار معاه واحسن تذكار غادي يبقى راسخ في دماغو هو السيارة ديالو تفرشخ وبمناسبة التفرشيخ فالسيد الرئيس تاهمو الجمعوي رشيد حمدي بأنه حاول اختطافه ويديرو شي حاجة خايبة وهو الأمر الذي كتبت عنه كل الجرائد وتم فتح تحقيق والاستماع إلى كافة الذين لهم علاقة بالملف ولكن في الاخير مابقينا سمعنا والو على الملف وغادي نرجعو ليه بالتفاصيل .

ومادمنا تتكلم عن انجازات الرئيس ولي هي ظاهرة وباينة غي لي ماعندوش العينين شوف مثلا عين السلطان والا ناشف مافيهاش نقطة ديال الماء والناس خرجات الاحتجاج وكالو أن الرئيس هو السبب لما أعطى الشركة الخاصة باش تسوق الماء والناس لي غادي جي هذا المنتجع لي ولا  غي أطلال بالسياسة ديال الرئيس الماء والشطابة اما حديقة الحسن الثاني وجنان السبيل وملعب كرة القدم واللائحة طويلة  فحديث يحتاج إلى أكثر من مقال ولكن مع فيديوهات ستنشر قريبا ستظهر الحقيقة كاملة بإنجازات الرئيس الذي جعل من سياسة الأسمنت المسلح السمة الغالبة بايموزار كندر اما غير ذلك فحدث ولا حرج.